Инэллэчг’у в’увык Палана нэйичин Игорь Щербаков

Инэллэчг’у в’увык Палана нэйичин Игорь Щербаков

21.05.2022 11:33:49 (GMT+12)

Инэллэчг’у в’увык Палана нэйичин Игорь Щербаков
Ымоӈ тыӈивылг’э ваятэн округкэн гынунык мэлу нэлӈын ыннин г’уемтэв’илг’ин тит ныг’ынг’элын инэллэчг’у.

Умэкэт тыӈивылг’ин ваятэн в’уйвыкин Палана галай 18 имлычг’ыйиг’илгык, в’утку нэгитэн пыӈыл- йичик инэллэчг’ын городской округкэн.

Вэтатъиччетэ, меӈин инэллэнин инингивэ инэллэчг’ин краевой правительствак П. Ясевичынак, тывынэн ӈыёӄ кандидатурав’. Ыннею эллай Р. Иванов, В. Петров то И. Щербаков.

Омакальг’анма ычгынан натвынав’ чининкинэв’ тайкыёв’ йиплэпавык в’уйвын то в’анявалай пыӈлолг’ыӈ.

«Ымоӈ депутата мэлу нэлӈын йичик инэллэчг’у Паланык И.О. Щербаков. Тоййичилг’э инэллэчг’у ийлнин присяган тыӈэвылг’ыйикыӈ ваятэн то ёнатылг’ыйикыӈ. Министерствата чининкин эналлагиӈэпыӈ то йиплэпав’гиӈэпыӈ Корякский округ накопоздравлянӈын йичилг’ын инэллэчг’ын, то кев’лаӈ, тит нымэлг’эв’ навэтатэкэ йиплэпавык ёнатгиӈо городской округык»,- иви итылг’ын министрано вэтгиӈык чининкин эналлагиӈэпыӈ то йиплепав’гиӈэпыӈ Корякский округ Д. Прудкий.

Опта малв’анявалай омакальг’атылг’ыйикыӈ инингив’ инэллэчг’ин правительствак крайик П. Ясевич то тыӈивылг’ын ваятэн А. Давыдова.

Янот ӈыволай ячвыӈчатык ныг’элык инэллэчг’у в’уйвык мыллыӈэн кандидато. Ячвыӈчатгиӈын итти вэтгыльг’атгиӈэпыӈ тыӈивылг’ин ваятэн экмитылг’ын 24.02.2022.

Щербаков И. О. Гайтолэн 11 гыёлг’атйиг’илгык 1962 г. майӈыв’уйвык Туапсе Краснодарский крайик. 1985 г Благовещенский сельскохозяйтвенный майӈыяйгочав’ӈы ваны, 2005 гэвэгиӈык - Российский академиян государственный вэтгиӈыкъет , 2022 гэвэгиӈык- Хабаровский академиян экономикан то право.
1992 - 2001 г вэтатэ администрацияк Корякский автономный округык.
2001-2002 г вэтатэ УФ казначействак КАО, то еӄӄэ ӈывой итык инэллэчг’у ӈанко.
2005-2007 вэтатэ Территориальный управленияк тит йилэк вэтгиӈо федеральный имуществакенав’ КАО.
2008- 2015 итти инэллэчг’у Контрольно-счётный комиссияк в’уйвык Палана.
Гэӈэв’г’энлин.

В’уткекьйит панэнатвылай эначгыпавылг’о инэллэчг’ин то Инэллэиччетин Камчатский крайик.
Эняннимэв’нэн С. Тынанто