Пылв’ынтыв’эннятгин’о ёнатылг’ыйикын’ Камчатский крайик,мен’инычгин ею-н’ын ак’ачгон’ав’лай эмланма, нэевилэнн’ынэв’ к’айчейпыйиг’илгык

Пылв’ынтыв’эннятгин’о ёнатылг’ыйикын’ Камчатский крайик,мен’инычгин ею-н’ын ак’ачгон’ав’лай эмланма, нэевилэнн’ынэв’ к’айчейпыйиг’илгык

30.07.2021 07:22:55 (GMT+12)

Пылв’ынтыв’эннятгин’о ёнатылг’ыйикын’ Камчатский крайик,мен’инычгин ею-н’ын ак’ачгон’ав’лай эмланма, нэевилэнн’ынэв’ к’айчейпыйиг’илгык
Инэллечг’э Инэллэиччетык РФ М. Мишустинынак йилнин тайкыён, тит мэлинг’э ныг’иннэв’ в’эннятгиӈо эмлатгиӈыкъет Дальний Востокык».

«Эчги вэтгиӈо энаннимайтатылг’эн то социальный в’иннетычг’ин, амъел нэкуллэӈнэв’. Яноткэнав’ в’эннятгиӈо эмет нэйилнэв’, эчги янг’ав’ накойилӈыӈнав’ ею аӄачгоӈав’лай то тыг’ыччулг’у ыччу, тит ниг’итикынэв’ вэлатгиӈо. То тыкоеёлыӈ, в’утку ныг’итикынэв’ янг’ав’ валг’о энайилӈатгиӈо, то эв’ынчам ымоӈ инэллэчг’у регионкенав’ тыков’аӈлаӈнав’- ыннею вэтгиӈо мэлинг’э тэйкык. То тит иткэ ныг’итикынэв’ кыянпыгиӈо, энав’атгиӈо, тит юнэтылг’у юлэӄ уэткэ»,- эвыӈ М. Мишустин.

Камчатский крайик нымейиӈӄинэв’ эмлатгиӈо эллай ӈыёӄ в’уйвык: Аяӈкик, Яёлкагиӈык то Таловкак Пенжинский районык.

«Гетама эняньчечг’атгиӈо тит лиги лыӈык тыг’ыччулг’у келлаӈ аӄачгогиӈо, тэйкылг’у гамга инэллэиччетэ в’уйвык, кев’лаӈ, в’эннятгиӈо ныг’итикынэв’ 45 яйичг’ыӈ (91 г’уемтэв’илг’у). Нимлэнэв’ 14 яйичг’эн, то 45 яйичг’эн ягэӈкэнав’ вано. Аӄачгоӈав’лай ымыӈ полполо, елкукинэв’ явэнаӈо, то ымыӈ нанг’ыныплэпав’нав’ перчив’. Тайкыёлӄылэпыӈ инэллэчг’ин крайик, тит йилык эннеӈчэӈ итылг’у пылв’ынтыв’эннятгиӈо то пылв’ынто ёнатылг’ыйикыӈ Пенжинский районык, меӈинычгин еюӈын г’аткеӈалай имлэтыкъйит ганчоччымав’лэнав’ мыкыӈ 1,6 млн пылв’ынто.

Тайкыёлӄылыӈӄо эччатыӈко социальный малъёнагиӈэн то яйичг’эн этгиӈэпыӈеллаӈ ыннеӈчеӈ йиллыг’у пылв’ынтыв’эннятгиӈо 10 тысячав’ гамгаг’оямтав’элг’ынаӈ яйичг’ык. Инэгэю пылв’ынтыв’эннятгиӈо еллаӈ итылг’у 50 тысячав’ гамгаяйичг’ыӈ 14 яйичг’ыӈ, меӈинычгин унмык эмлалай яяв’»,- эвыӈ министр социальный малъёнатгиӈэпыӈ то яйичг’ыэтгиӈэпыӈ А. Фёдорова.

Пылв’ынто нэевилэнӈынэв’ титэ ягалаӈ 2 ӄайчейпыйиг’илгык 2021 гэвэгиӈык почтакен ванык, калэӈӄо йинчоччымавылг’о инэллэчг’э в’уйвык то энангыеватгиӈыӈӄо энанчечг’атыӈӄо.

Ӈывома алаал унмык итти тылгыгиӈын то унмык муӄэти. В’уткекьйит имлэтгыг’и в’эемыт Пежина то Энычаваям. Эллай эмлатгиӈо Яёлкагиӈык, Аяӈкик то Таловкак. В’уткекьйит Пежинский районык итти ЧС. Гайматылг’о юнэтылг’у, аӄав’лай Кольпачетыӈ. Районык вэталлай 15 г’уемтэв’илг’у: специалистав’ МЧС Россиякен, энаей- энаннимайтатылг’эн иччет то ӄуччев’. 15 алайиг’илгык нэпъйигэг’ын ЧС.

В’уткекьйит панэнатвылай эначгыпавылг’о инэллэчг’ин то Инэллэиччетин Камчатский крайик.

Эняннимэв’нэн С.Тынанто.