Пылиткома 2021 гэвэгиӈын петыяяв’ Тигилик нэелӈыӈнэв’ чиматылг’у

Пылиткома 2021 гэвэгиӈын петыяяв’ Тигилик нэелӈыӈнэв’ чиматылг’у

28.07.2021 07:26:59 (GMT+12)

Пылиткома 2021 гэвэгиӈын петыяяв’ Тигилик нэелӈыӈнэв’ чиматылг’у
Ынниг’ан валг’ын тайкыёлӄыл йилнин В. Солодовынак эналлачг’ыӈ Тигильский муниципальный районык А. Пригоряну. Инэллэчг’э крайик гитэнин ӄымек чиматылг’у яяв’ яяев’в’эк Толстихинын Тигилик.

«Тигилик то ымыльг’ыӈ районык яноткен аӄайпыгиӈын китыӈ- чиматылг’у петыяяв’. Ӈынвыӄ яяв’ в’эйитг’ымгиӈо кытгэмыӈ, в’ача ёнатгиӈыӈ в’уткекылг’ыйикыӈ. Янот вэтгиӈо тит петыяяв’ нэнг’ылӈынэв’ чиматылг’у уйӈэ йин этэйкыке нэнтынэв’, в’уткекьйит уйӈэ ыччу акалика нэнтынэв’ федеральный тайкыёлӄылэтыӈ йиннялгытавык. Титэ нэеплиткуӈнэв’ вэтгиӈо лыӈык петыяяв’ чиматылг’у, наяӈвоӈнав’ якалиӈкы федеральный национальный тайкыёлӄылэтыӈ «Яялг’атгиӈо то городен вано». Пыче эчги актыка тывык, титэ наяӈвоӈнав’ йиннялгытавык, мыев’ эллай алваӈ валг’о юрилический этгиӈо то пыкав’гиӈо инэллэчг’ин районык»,- эвыӈ В. Солодов.

Ынно эвыӈ, ӈывогиӈо лыӈык петыяяв’ чиматылг’у- яноткен этгиӈын тит ӈывок йиннялгытав’гиӈо. Ӈэвэк инг’э нэеплиткуӈын ыннин вэтгиӈын, то вэтга наякалиӈнав’ федеральный тайкыёлӄылэтыӈ.

В’уткекьйит панэнатвылай эначгыпавылг’о инэллэчг’ин то Инэллэиччетин Камчатский.

Эняннимэв’нэн С.Тынанто