Мимлыев’эн мемлыӈтованэн Тигильк нэеплиткуӈын то яӈвоӈ вэтатык пылиткома 2023 гэвэгиӈын

Мимлыев’эн мемлыӈтованэн Тигильк нэеплиткуӈын то яӈвоӈ вэтатык пылиткома 2023 гэвэгиӈын

28.07.2021 07:25:46 (GMT+12)

Мимлыев’эн мемлыӈтованэн Тигильк нэеплиткуӈын то яӈвоӈ вэтатык пылиткома 2023 гэвэгиӈын
В. Солодовынак ёг’ынэн эплиткукылг’ин тайкыгиӈын Тигильк.

«Нымэйиӈӄин аӄайпыгиӈын в’уйвык Тигиль китыӈ эчгымимлыкъйит. Титэ кемланӈывоӈ юнэтылг’э Тигилик накоӈвоӈвоӈын явак лиӄвэгиӈкин мимыл. Еппы 2008 гэвэгиӈык нэтэйкын мемлыӈтованы, меӈин янот ныг’итики, тит ӈанӄойиӈ юнэтылг’э нэнг’экмитики нэчгыӄэн то нымэлӄин мимо. 13 гэвэгиӈо атав’ котваӈ ыннин ваны. Кытаван нэнг’ыплитэйкыӈ мемлыӈтованы. В’утин гивик мыччетэйкыӈнэв’ тэнмо, тит йиплэпавык вэтгиӈо. То 2023 гэвэгиӈык в’уйвылг’э нанг’ыӈвон явак нэчгыӄэн мимл»,-эвыӈ В. Солодов.

Вэтгиӈо йинтыватык «Мини-ТЭЦ» «Тигиль» эллай федеральный тайкыёлӄылэпыӈ «Экономикакенав’ то социальный йиплэпав’гиӈо Дальний Востокык то Забайкальяк». Вэтгиӈо наӈвонав’ 2006 г. то напэланав’ 2010 г.В’ача инмы гымлэӈ накоӈвоӈвоӈнав’ в’утку вэтгиӈо,то ынняӄ эв’ынчам эплиткукэ нэнтынэв’. Ӈывома вэтгиӈо йинтыватык мемлыӈтованы наёг’анав’ вэтанма 80%.

В’уткекьйит панэнатвылай эначгыпавылг’о инэллэчг’ин то Инэллэиччетин Камчатский крайик.

Эняннимэв’нэн С. Тынанто.