Тайкыён инэллэчг’ин крайик «Мыткотанвэтгыӈлаӈ омакаӈ» накояёг’ыӈын Тигильский районык

Тайкыён инэллэчг’ин крайик «Мыткотанвэтгыӈлаӈ омакаӈ» накояёг’ыӈын Тигильский районык

27.07.2021 07:56:37 (GMT+12)

Тайкыён инэллэчг’ин крайик «Мыткотанвэтгыӈлаӈ омакаӈ» накояёг’ыӈын Тигильский районык
Паӈавъйийваны ёнатылг’ыйикыӈ Тигилик нэеплиткуӈын мэлинг’э.

«Вэтатылг’а наӈвонав’ йиччилык плиткан ванык, миӈки япаӈав’ъейляйке. Ӄонпыӈ мыткогэтанӈывоӈнав’ вэтгиӈо. В’уччин ваны мэлу нэкулӈыӈын юнэтылг’э, в’утку ӄонпыӈ коляйвыткоӈволаӈ ыллыг’о гакмиӈа, коечванӈыволаӈ кымиӈу, копаӈав’ъейӈыволаӈ ынпычг’у. Титэ нэеплиткуӈын йиплэпавык паӈав’ъйийваны, в’уткые яӈволаӈ етык юнэтылг’у в’уйвык»,- иви инэллэчг’ын эналлагиӈэпыӈ инэллэиччетылв’ынык то йиплэпав’гиӈэпыӈ Корякский округ С. Лебедев.

Паӈав’ъйийванык наеначчыӈын йиг’эт плитката,наятнтыванӈынав’ вагалитӄыёлго, йитики аякальг’атгиӈын. Чымӄып плиткав’ эмет нэеннэв’ Тигилетыӈ, ӄуччев’ мальвыг’аёк япкейляӈ. Вэтатылг’о в’утин ванык кев’лаӈ, паӈав’ъйийваны нэеплиткуӈын мэльинг’э, экмитылг’ык тэнмык,- 1 ымычвилюйиг’илгык.

Ӈэйӈэйик галалг’ыгэвэгиӈык юнэтылг’э чинин нэйичинэв’ вано, меӈию нэг’уев’нэв’ гамганымъёлгык. В’утку келлаӈ - 16 спортакенав’ вано, 26 паӈав’ъйийвано, 9 кымиӈычгин уйичвэтвано, 4 хоккейный вано, 3 ӄаплитковано, 1 нывилваны, 10 вано ӈайӄыёчгэн. Ымыӈ эняечегиӈо в’уткекьйит эллай 11-13 льгичейпыйиг’илгык 2020 гэвэгиӈык.Тит йичик ёг’ылг’о тайкыёлӄыло эллай мыкыӈ 27 тысячав’ г’уемтэв’илг’у.

В’уткекьйит панэнатвылай эначгыпавылг’о инэллэчг’ин то Инэллэиччетин Камчатский крайик.

Эняннимэв’нэн С. Тынанто.