Тигильский малав’ъяк ӈэйӈэйик яӈвоӈ вэтатык инфекционный инэнмэлэв’ваны

Тигильский малав’ъяк ӈэйӈэйик яӈвоӈ вэтатык инфекционный инэнмэлэв’ваны

26.07.2021 08:04:42 (GMT+12)

Тигильский малав’ъяк ӈэйӈэйик яӈвоӈ вэтатык инфекционный инэнмэлэв’ваны
Лайвыма Тигильский районыӈӄо, инэллэчг’э крайик В. Солодовынак ёг’ынэн районный малав’ъян. Гетама ремонтакенав’ вэтгиӈо инфекционный инэнмэлэв’ванык, инэллэчг’э крайик аӈъянэн нымэлӄин материально- технический этгиӈын то ымыӈ уйӈэ эӄлэткэ энанмалавылг’ыйикыӈ. Ынно эвыӈ, амъел явэталайкэ, тит районэтыӈ нэетикынэв’ инэнмэлэвылг’у.

«Малав’ъян Тигилик- ынан нымэлӄин районык. Льгичейпыйиг’илгык 2021 гэвэгиӈык яӈвоӈ вэтатык инфекционный инэнмэлэв’ваны. В’утку ымыӈ ею нымэлг’эв’ гэтэйкылинэв’, тит ныплэпг’ав’ вэтатык йинмэлэвэвык тыг’ыллыг’у.
Пыче эчги инфекционный тыг’ыллыг’у наконӈэвыӈвоӈнав’ Петропавловск- Камчатский. Титэ яӈвоӈ вэтатык отделениян, ямалав’лайкэ Тигильк»,- эвыӈ В. Солодов.
Тигильский малав’ъяк ковэталаӈ 18 инэнмэлэвылг’у то 32 в’иннетычг’у лекарэн. В’утку коткев’ӈыволаӈ - 32, 12- г’ыло наконмалав’ӈывоӈнав’. Г’ылв’ыйик коянӈыволаӈ - 50 г’уемтэв’илг’у.

В’уткекьйит панэнатвылай эначгыпавылг’о инэллэчг’ин то Инэллэиччетин Камчатский крайик.

Эняннимэв’нэн С. Тынанто.