Нэнмэйӈэв’нэв’ вано энаейинвэн аятгиӈын самолётэн Ан-26 Камчаткак

Нэнмэйӈэв’нэв’ вано энаейинвэн аятгиӈын самолётэн Ан-26 Камчаткак

23.07.2021 07:14:05 (GMT+12)

Нэнмэйӈэв’нэв’ вано энаейинвэн аятгиӈын самолётэн Ан-26 Камчаткак
Энанниммайтатылг’а нэнмэйӈэвын ваны энаейинвэн аятылг’ын самолёт Ан-26 Камчаткак. В’уткекьйит эначгыпавылг’ынаӈ ТАСС эв’лай эналлаэччатыӈӄо Паланык.

«Энаейляй в’эемгиӈкы Анадырка, меӈин китыӈ мальыявак аятгиӈык 15 км, эчги накенаейӈын аятгиӈын йимайтэтыӈ айгытӄыӈӄалэтыӈ 40 км. Миӈки аяти самолёт, в’ача уйӈэ йинны элэг’укэ наконтыӈвоӈнав’. Эмлатгиӈа аӈӄатайнык паёчыпто аятылг’ин ыявайтыӈ куллыӄтэнӈынин. Йиг’илгын еппы аӈӄатайнык йиг’ояв’лайкэ паёчыпто аятылг’ин самолёта».- эв’лай администрацияк.

То этг’у эв’лай, паёчыпто аятылг’ин самолётык, нэллэнэв’ чеймык валг’этыӈ ванык вагаланык Паланык. Амъел ковэталаӈ судмедэкспертав’.

Ӄайтомгыйикыӈ ковэталаӈ вано, меӈки ийкыӈ кенӈыволаӈ вэннятгиӈо, ымыӈ психологический. Ычгинэв’ кытгэмгиӈо накогэтаӈвоӈнав’ инэнмэлэвылг’э.

Эняннимэв’нэн С. Тынанто.