И. Яровая: Ватӄэн алкылгиӈын съездакэн «Ыннэн валг’ын Россия» китыӈ, мыев’ мыткоӈволаӈын нытуйӄин этгиӈын партиякэн,тит тэйкык энатвато г’оямтав’элг’ыйикыӈ то нэӈг’элг’эв’ ыччу гитэк

И. Яровая: Ватӄэн алкылгиӈын съездакэн «Ыннэн валг’ын Россия» китыӈ, мыев’ мыткоӈволаӈын нытуйӄин этгиӈын партиякэн,тит тэйкык энатвато г’оямтав’элг’ыйикыӈ то нэӈг’элг’эв’ ыччу гитэк

22.06.2021 08:00:34 (GMT+12)

И. Яровая: Ватӄэн алкылгиӈын съездакэн «Ыннэн валг’ын Россия» китыӈ, мыев’ мыткоӈволаӈын нытуйӄин этгиӈын партиякэн,тит тэйкык энатвато г’оямтав’элг’ыйикыӈ то нэӈг’элг’эв’ ыччу гитэк
«Иччет «Ыннэн валг’ын Россия» гантоӈвав’лэн Президентата, титэ эллай иччыёнатгиӈо ымнутэк. Ӈанэн вагиӈык янг’ав’ экмитылг’у тайкыёлӄыло, в’эннялай йиплэпавык янот актыка тэйкылг’у вэтгиӈо: нымэйиӈӄинэв’ ачыӈъятгиӈо томнотайтыӈ, ниччыӄин этгиӈын армияк, амамъйиг’алёӈ итылг’у ёнатгиӈо, уйӈэ аёг’ыкылг’энав’ социальный пыӈлов’»,- ынниг’ан иви инингив’ инэллэчг’ин Государственный Думак И.Яровая, в’аняванма XX умэкэтык партиякэн 19 алайиг’илгык в’уйвык Москва.

«Гымнан юнэтылг’э Камчаткак, Дальний Востокык, тыттэль мэлу тылӈынэв’ в’аняво С. К. Шойгу, мыев’ лиги тыкулӈыӈын вагиӈын, титэ Дальний Востокык в’ача эекэльг’эткэ то омыльг’атка ёналлай, ӄонпыӈ мыткоанӈыволаӈнав’ инэйив’лэтг’ытвынаӄов’, эчги ыннею этгиӈо уйӈэ лиги элӈыкэ. Ӈаеё амманаӈ йиччылг’у экономикакенав’ этгиӈо, эмет нантыгэваннав’. То эчги мытконтыванӈынав’ нытуйӄинэв’ танвэтгыӈгиӈо тит ымыӈ ею йиплэпавык»,- эвыӈ ынно.

В’аняванма И.Яровая иви, «Ыннэн валг’ын Россия» чоччымавэ йилэк ояӈ итылг’у политический ячвыӈчатгиӈо. « Мыев’ в’аняво тайкыёлӄылэпыӈ, келлаӈ тит яёг’ыӈкы энатвагиӈо ёнатылг’ыйикыӈ то кытаван йиплэпавык ымыӈ ею. Ыннею келлаӈ яноткенав’ чаӈг’ачаӈгиӈо»,- эвыӈ ынно.

«Президентата съездак «Ыннэн валг’ын Россия» тывынэн нытуйӄинэв’ социальный в’эннятгиӈо яйичг’ыӈ то кымеӈыйикыӈ- ыннею келлаӈ энанг’ояватгиӈо вэтгиӈэн партиякэн. Мую мыткеллаӈ ынниг’ан, еӄин ковэтгыльг’атыӈ Президент. Тывык акметгиӈо вэтгиӈэпыӈ г’оямтав’элг’ыйикыӈ- танвэтгыӈгиӈо гамагаг’ылв’ийкенав’. Дальний Востокыӈ кыг’ояв’лаӈ нытуйӄинэв’ мычв’ынатгиӈо ӄотэнъёнатгиӈыӈ»,- кивыӈ И. Яровая.

«Россиян- яйичг’ын яйичг’эн, эчги ыннею келлаӈ яноткенано тайкыёлӄыло. Гымнан тыколлаӈвоӈнав’ пыӈлов’ кымиӈыкъйит, яйичг’ыкъет, энангыёлав’гиӈыкъет. То калик, миӈки келлаӈ мыллыӈэн эӈг’элу лыӈылг’у г’уемтэв’илг’у муйик майӈынутэк китыӈ энанг’ояватгиӈо- Россия- майнынутэнут- миӈки келлаӈ нымейиӈӄинэв’ этгиӈо омакаӈ нымэлг’эв’ вэтатык, тит йингычголавык ёнатгиӈо гамгаг’уемтэв’илг’ин»,- эвыӈ И. Яровая.

Эняннимэв’нэн С. Тынанто.
Дни рождения в этом месяце
Парламентская ассоциация «Дальний Восток и Забайкалье»