Камчаткаӈӄо тыӈивылг’у эллай майӈыумэкэтык партиякэн «Ыннэн валг’ын Россия»

Камчаткаӈӄо тыӈивылг’у эллай майӈыумэкэтык партиякэн «Ыннэн валг’ын Россия»

21.06.2021 08:57:59 (GMT+12)

Камчаткаӈӄо тыӈивылг’у эллай майӈыумэкэтык партиякэн «Ыннэн валг’ын Россия»
В’уччин этгиӈын галай 19 алайиг’илгык ванык «Экспоцентр» майӈыв’уйвык Москва. Майӈыумэкэтык эллай Президент Россиякен Владимир Путин, Инэллэчг’ын «Ыннэн валг’эн Россиякен» Дмитрий Медведев, инэллэчг’у Эналлаэччатыӈӄо РФ, мейӈычг’у гамгарегионыӈӄо, тыӈивылг’у майӈыомакатынвыӈ субъектаӈӄо РФ. Ымоӈ 672 тыӈивылг’у. Камчаткаӈӄо ӈанко валлай инэллэчг’ын крайик В. Солодов , тыӈивылг’ын ваятэн Государственный Думайтын И. Яровая, инэллэчг’ын региональный иччетин «Ыннэн валг’ын Россиян» В. Сивак то А. Копылов, меӈин нанӈивын съездайтыӈ.

Йинв’эӈэнин майӈыумэкэт  инэллэчг’э партиякэн Д. Медведевынак. Омальг’атылг’ыйикыӈ в’аняватэ Президент РФ В. Путин. Ынан аӈъянэн малвэтгиӈо партиякэн «Ыннэн валг’ын Россиян» то в’уткекьйит ив’нин, ӄайлём тыӈивылг’ыйикыӈ съездайтыӈ.

Эняннимэв’нэн С. Тынанто.
Дни рождения в этом месяце
Парламентская ассоциация «Дальний Восток и Забайкалье»