Тэлличчак нэнв’эӈэтын нытуйӄин кыннятав’ъян

Тэлличчак нэнв’эӈэтын нытуйӄин кыннятав’ъян

04.06.2021 08:35:33 (GMT+12)

Тэлличчак нэнв’эӈэтын нытуйӄин кыннятав’ъян
Нытуйӄин кыннятав’ъян нэнв’эӈэтын Тэличчак Олюторский районык, мыев’ итти тайкыёлӄыл инэллэчг’ин крайк, пылиткома лайвыгиӈо Олюторский то Пенжинский районыӈӄо.

«Янг’ав’ эвыӈ инэллэчг’ын регионкэн, апливэтатка эллай инэллэчг’у районкэнав’ тит йинв’эӈэтык кыннятав’ъян, эмет ӄымэк нанӄитав’нав’ явэнаӈо, меӈӄойиӈ комыльг’анӈывоӈ ваны. Гымаллай тит ыннею
аӄаэтгиӈо иткэ ныг’итикынэв’. Пылитконвэтыӈ анонан ымоӈ энячгиӈо наныплэпав’нав’.

Эчги кыннятав’ъян нэнв’эӈэтын то эмет ӈывой вэтатык»,- эвыӈ инэллэчг’ын таяӈгиӈэпыӈ то яялг’атгиӈэпыӈ А. Дегодьев.

Национальный тайкыёлӄылэпыӈ «Демографиян» гантывалэн нытуйӄин кыннятав’ъян миӈки келлаӈ 150 вано, опта котвалаӈ 50 вано кымеӈыпелляӄыйик маӈэныйикыӈ келлаӈ 1-3 гэвэгиӈо. Кыннятав’ъяк 10 иччетпиляӄу, нэчгыӄэнав’ то ныкъёӄэнав’ вано, тит уйичвэтык, йилӄэтык, эв’ъйик, ичг’ийтывэк. Опта котвалаӈ аӈаӈъяваны, спорткакэн ваны, инэнмэлэвылг’ин то инэнгыюлэвылг’ин метг’аӈ в’аняватык, ымыӈ психологэн. Кыннятав’ъягэӈкы котвалаӈ вано лэйвыткукинэв’, уйичвэткинэв’, эчги накунмитг’атванӈын кыннятав’ъягэӈкэн ваны, выг’аёк в’утку йиг’ояв’лаӈ умкыпилляӄу то утту.

Янот кымиӈыпилляӄу колӄынӈыволаӈ кыннятав’ъяйтыӈ, меӈин итти калэяк. Энанметытватгиӈо эллай ванык, йинтыватылг’о 2007 то 1963 гэвэгиӈык.

Нытуйӄин кыннятав’ъян китыӈ гычгол валг’ык Тэличчак. В’утку опта кинӈи калэян то малав’ъян. Йинв’аӈатгиӈа нытуйӄин кыннятав’ъян, элэк йиччынин ӄылатгиӈо ванэн кымеӈыйикыӈ.

Лайвыма ӄоягыёлг’атъйиг’илгык Олюторский то Пенжинский районыӈӄо В. Солодов эвыӈ, Тэличчан китыӈ яноткенано вано, меӈӄойиӈ коеӈальг’анӈыволаӈ самолёто, то когалаӈволаӈ энаев’латгиӈо айгытӄыӈӄалэтыӈ, в’уткекьйит кытаван мэльг’инг’э йиныплэпавык ымыӈ ею тит нымэлӄинэв’ социальный этгиӈо ныг’итикынэв’ ёнатылг’ыйикыӈ.

В’уткекьйит панэнатвылай эначгыпавылг’о инэллэчг’ин то Инэллэиччетин Камчатский крайик.

Эначгыпавэ С. Тынанто.
Дни рождения в этом месяце
Парламентская ассоциация «Дальний Восток и Забайкалье»