И. Яровая коянотыӈ ӄонӄал валг’ык эняечегиӈык «Ыннэн валг’ык Россия» Государственный Думайтыӈ

И. Яровая коянотыӈ ӄонӄал валг’ык эняечегиӈык «Ыннэн валг’ык Россия» Государственный Думайтыӈ

02.06.2021 08:25:46 (GMT+12)

И. Яровая коянотыӈ ӄонӄал валг’ык эняечегиӈык «Ыннэн валг’ык Россия» Государственный Думайтыӈ
Ёнатылг’ыйикыӈ Камчаткак эллай ӈыччеӄ бюллетенит- региональный иччетин партиякэн «Ыннэн валг’ын Россия» то Камчатский ымыльг’ыӈ окргугэпыӈ. В’утку коянотыӈ тыӈивылг’ын ваятэн, инингив’ инэллэчг’ин Государственный Думак И. Яровая. Эняечема калэӈӄо партиякэн ынан экминин 80, 89% (20477) кумӈу, то ыннэнмандатыӈӄо 79,73 % (20477) кумӈу.

Ӈыеӄэв’кину кулэӈ инэллэчг’ын КРЦД А. Орлова, меӈинынэк экминин 15,18% (3900) то 14,02 (3601) кумӈу.

Ӈыёӄав’кено китыӈ А. Керносенко- ынин келлаӈ 9,66 (2482) кумӈу.

Ӈыёӄав’кено китыӈ ыннэн валг’ын мандатыӈӄо профсоюзный эччатыӈӄо И. Коваленко, меӈинын 8,34% (2141) кумӈу.

24-31 имлычг’ыйиг’илгык Камчатка итти омакаӈ Ымроссияк ӄонӄал валг’ык эняечегиӈык, энакметгиӈэпыӈ нэетэйкыӈнэв’ калив’ кандидатэн партиякэн «Ыннэн валг’ын Россия» эняечегвэтыӈ 19 льгичейпыйиг’илгык. В’утин гивик ӈынвычгаё яллай ӄонӄал валг’этыӈ эняеченвэтыӈ. Он-лайн то офф-лайн эняечелай 25712 г’уемтэв’илг’у, меӈию келлаӈ 11% инейичилг’ин.

Акметгиӈо эняечегиӈэпыӈ тывынэн итылг’э секретарё иччетык «Ыннэн валг’ын Россия» В. Сивак. Инингив’ инэллэчг’ин Государственный Думак И. Яровая в’аняванма эвыӈ: «Тумгытую то юнэттумгу! Нымейиӈӄин тойкыӈ Ӄайлём, мыев’ тую яллатык ӄонӄал валг’этыӈ эняечегиӈэтыӈ! Точгынан тывылаткы чининкинэв’ кандидато, меӈию еллайкэ Камчатский крайиӈӄо «Ыннэн валг’ыӈо Россия» эняечегиӈык льгичейпыйиг’илгык. Тучгинэв’ кумӈу келлаӈ янотычг’о вэтанма, йинчоччымавык тэнмо. Ӄонпыӈ гымык ӄалалв’ынык, гымнин эӈг’элу лыӈылг’ын Камчаткан»,- иви И. Яровая.

Эняннимэв’нэн С. Тынанто.
Дни рождения в этом месяце
Парламентская ассоциация «Дальний Восток и Забайкалье»