Тыӈивылг’э ваятэн крайик нэкминэв’ инэгэю пылв’ынтыгиӈэпыӈ бюжетыӈ Камчатский краен 2021 гэвэгиӈэтыӈ

Тыӈивылг’э ваятэн крайик нэкминэв’ инэгэю пылв’ынтыгиӈэпыӈ бюжетыӈ Камчатский краен 2021 гэвэгиӈэтыӈ

01.03.2021 08:46:40 (GMT+12)

Тыӈивылг’э ваятэн крайик нэкминэв’ инэгэю пылв’ынтыгиӈэпыӈ бюжетыӈ Камчатский краен 2021 гэвэгиӈэтыӈ

Галалг’ы 45 умекетык Законодательный иччетык Камчаткакен тыӈивылг’э ваятэн нэкминэв’ инэгэю пылв’ынтэпыӈ региональный бюджетыӈ 2021 гэвэгиӈэтыӈ то 2022-2023 гэвэйтыӈ.

Акметгиӈо пылв’ынтэпыӈ краевой бюджетэн мыкаллай 15 млрд пылв’ынта то ныг’аллай паёч 94 млрд 513 млн пылв’ынто. Меӈию пылв’ынто наяӈвоӈнав’ явак нанымкав’нав’ 16,4 млрд пылв’ынта.

В’аняванма яноткен инингив’ Инэллэчг’ин Законодательный Умекетык крайик А. Копылов’ эвыӈ, ыннею пылв’ынто еллайкэ в’иннетык эекэльг’этъиччету, мыев’ амалваӈ валг’о келлаӈ тарифо вилэтык аякальг’атгиӈо (9803,8 млн); йиннялгытавык юнэтылг’у петыяяӈӄо (380,8 млн пылв’ынто).

То инэгэю итылг’у пылв’ынто наяяваӈнав’ юмэкэвык пылв’ынто региональный тайкыёлӄылэтыӈ: йиныплэпавык инэнмэлэв’кинэв’ этгиӈо - 274,9 млн пылв’ынто, то тит эвилэткэ ныг’эв’ъйикынэв’ гылпичгэ ейгучев’ӈылг’у калэяк виткукинэк классылв’ынык- 274,9 млн пылв’ынто.

Яяёг’ыӈкы экмитылг’у тайкыёлӄыло нэеинэгэйӈынэв’ этг’у пылв’ынта меӈию келлаӈ мыкыӈ 3,9 млрд пылв’ынта. 2021 гэвэгиӈык нанчоччымав’нав’ пылв’ынто тит нэнг’ыплиткунэв’ энаплэпав’вэтгиӈо Корякский калэяк искусствакен нынылг’этылг’ын Кобалевскиенын Д. Б. (20,5 млн), то амъел тэйкык краевой театран элючин (150 млн).

То еллайкэ инэгэю пылв’ынто 50 млн ӄоявъепэччатылв’ыныӈ.

«Мальӈынвыӄ пылв’ынто 2021 гэвэгиӈык келлаӈ энанмалав’гиӈэтыӈ. Ымыльг’ыӈ , ыннею келлаӈ 1,7 млрд пылв’ынто- тит ымыӈ яёг’ыӈкы тайкыёв’ ганчоччымав’лэнав’ 1 млрд пылв’ынто «,- иви А. Копылов.

Тит амкатка аӄачыг’ычгиӈын то йинмэлэвэвык тыг’ылыг’у краевой бюджетык 2021 гэвэгиӈэтыӈ нанчоччымав’нав’ 201,4 млн пылв’ынто.

Эчгыпо йинчоччымав’нэн С. Тынанто.

Дни рождения в этом месяце
Парламентская ассоциация «Дальний Восток и Забайкалье»