Ымоӈ мыннгыткэн ӈыёӄ ячвыӈчатылг’о г’ытг’ылг’у «Берингияк- 2021» яллай нымъёлгэтыӈ Эссо.

Ымоӈ мыннгыткэн ӈыёӄ ячвыӈчатылг’о г’ытг’ылг’у «Берингияк- 2021» яллай нымъёлгэтыӈ Эссо.

27.02.2021 09:11:10 (GMT+12)

Ымоӈ мыннгыткэн ӈыёӄ ячвыӈчатылг’о г’ытг’ылг’у «Берингияк- 2021» яллай нымъёлгэтыӈ Эссо.
Эссок эмет нэкуплиткуӈнэв’ ватӄыльг’энав’ чоччымав’гиӈо ӈывок ячвыӈчатгиӈын г’ытг’ылг’ин «Берингия». 27 чиӄъивив’ йиг’илгык в’утку ягалаӈ ячвыӈчатгиӈын ойпакмэтгиӈэн «Омакаӈ валг’ын Берингиян». В’отӄойиӈ лиги наяӈвоӈнав’ лыӈык миӈкые яячвыӈчаллаӈ г’ытг’ылг’у.

«Ячвыӈчатгиӈын ойпакметгиӈэн «Омакаӈ валг’ын Берингиян» ягалаӈ тигылг’этванык «Оленгендэ». Ымоӈ етылг’ыйикыӈ то ямкэчелг’ыйикыӈ ганчоччымав’лэнав’ нэӈиньмыӄинэв’ имыяӄ культурный энангыеватгиӈо. Ӈанко еллаӈ чининкинэв’ мылав’ъиччету «Легенда», «Орьякан», «Яӄ-яӄ», «Нургэнэк».

28 чиӄъивив йиг’илгык 13 ячвыӈчатылг’а г’ытг’ылг’а наяӈвоӈын нымэйиӈӄин ячвыӈчатгиӈын. Ычгынан нэетилиӈнэв’ 950 километрав’ Оссорайтыӈ. Нэеплиткуӈын ячвыӈчатгиӈын г’ытг’ылг’ин 13 тэнмыталойиг’илгык.

Эчгыпо йинчоччымав’нэн С. Тынанто.
Дни рождения в этом месяце
Парламентская ассоциация «Дальний Восток и Забайкалье»