Накетог’ын М. Байшуакова, титэ наӈвон йинв’эӈэтык ячвыӈчатгиӈын г’ытг’ылг’ин «Берингия-2021»

Накетог’ын М. Байшуакова, титэ наӈвон йинв’эӈэтык ячвыӈчатгиӈын г’ытг’ылг’ин «Берингия-2021»

23.02.2021 08:43:22 (GMT+12)

Накетог’ын М. Байшуакова, титэ наӈвон йинв’эӈэтык ячвыӈчатгиӈын г’ытг’ылг’ин «Берингия-2021»
Эльг’а- г’ытг’ылг’ын «Берингияк», энантоӈвавылг’ын ӄояямкыяйичг’ыиччет «Нюлтен» Марагарита Байшуакова уйӈэ ныг’эли ныкита 9 чиӄъивив’ йиг’илгык. В’утин гивик ячвыӈчатгиӈын-пролог нэнтыльг’этын кетог’ык ынно.

«Мынкетог’ылан ыннин нэчгыӄэн эльг’а в’ыетватгиӈа ыннэн минутата то антгэватка мынылӈылайкэ. Гымнан лиги ынно тыкулӈыӈын- нэчгыӄэн, ныкычвиӄин, то ныйиг’этӄин ёнатгиӈыӈ»,- эвыӈ А. Укипав, меӈинынэк лиги лыӈнин Маргарита Аркадьевна. 2022 гэвэгиӈык наянтоӈвав’ӈын ойпакмет кетог’ыкъет Маргарита Байшуакова. Ынно йитики эльг’айикыӈ- г’ытг’ылг’ыӈ, меӈиныйик наягалаӈын в’ины «Берингиякен», то опта ӈанэн г’оямтав’элг’ыйикыӈ, меӈию гымаллай яйтаӈык то йимкавык культуракенав’ пыттоӈо айгытӄываятэн Камчаткакен.

М.А. Байшуакова- г’ытг’ылг’ын «Берингияк». Витку ат ынно ӈывой ячвыӈчатык 2006 гэвэгиӈык, ӈынвыӄ гэвэгиӈо ячвыӈчатэ Карагинский районыӈӄо. 2013 г. ялгытэ Мильковэтыӈ, ӈанко йинтоӈвав’нэн ӄоячмкен яйичг’ыиччет «Нюлтэн».

Эчгыпо йинчоччымав’нэн С. Тынанто.
Дни рождения в этом месяце
Парламентская ассоциация «Дальний Восток и Забайкалье»