Камчаткак нэнв’эӈэтын ӈывогиӈын лыӄлэӈкин фестивален «Берингия-2021»

Камчаткак нэнв’эӈэтын ӈывогиӈын лыӄлэӈкин фестивален «Берингия-2021»

22.02.2021 09:14:27 (GMT+12)

Камчаткак нэнв’эӈэтын ӈывогиӈын лыӄлэӈкин фестивален «Берингия-2021»
Ӈывома ангыткэн этгиӈын лыӄлэӈкин фестивален Камчаткакен, кымеӈыйикыӈ ячвыӈчатылг’ыйикыӈ г’ытг’ылг’ыӈ «Дюлин-2021», в’аняватэ В. Солодов.

«Эчги мыткоӈволаӈ лыӄлэӈкин фестиваль «Берингия-2021» ынан яноткената этгиӈа- кымиӈычгин ячвыӈчатгиӈа. Ӈынвычгаё коячвыӈчаллаӈ, мытколыг’олаӈнав’ ычгинэв’ ег’атгиӈо то гайматгиӈо г’ытг’ылг’атык, в’отэныӈӄо мыткев’лаӈ, аму мыткотайкылаӈын нымэйиӈӄин вэтгиӈын тит яйтаӈык пыттоӈо, мыев’ ӈынвыӄ кымиӈу то тойваято в’утку котвалаӈ. Китыӈ мычв’ынатгиӈын, «Берингиян» то айгытӄыв’уйву амъел яплэпав’лайкэ, емэлтывийки ёнатгиӈын. Ымоӈ тыкопоздравлянӈынав’ ӈывокъет ячвыӈчатгиӈын, янотыӈ туйчыг’у то кымиӈу, меӈию коячвыӈчаллаӈ йингыйивэтык чининкинэв’ метгиӈо г’ытг’ылг’атык, то спортакенав’ катгогиӈо. Этг’у тыкивыӈ, кымиӈычгин ячвыӈчата «Дюлин» мыткоӈволаӈын лыӄлэӈкин фестиваль «Берингия-2021!»,- эвыӈ В. Солодов.

Инэллэчг’э крайик аӈъянэн инэнгыюлэвылг’у г’ытг’ылг’атык, г’уемтэв’илг’у, меӈиныйик накув’ъйипӈынав’ вано г’ытг’ин, мыев’ ыччу ымгэвэгиӈын ков’эннялаӈ йичоччымавык г’уемтэв’илг’у то г’ытг’у ячвыӈчатгиӈэтыӈ, то опта энантоӈвавылг’о ангыт спортакен ванык нынылг’этылг’ын Фатьяновын.

Эчгыпо йинчоччымав’нэн С. Тынанто.
Дни рождения в этом месяце
Парламентская ассоциация «Дальний Восток и Забайкалье»