«Берингия-2021»: культуракэн этгиӈын

«Берингия-2021»: культуракэн этгиӈын

21.02.2021 07:34:30 (GMT+12)

«Берингия-2021»: культуракэн этгиӈын
Чининваяткенав’ таменьӈыгиӈо то вэтгиӈо наяныплэппвэкынав’ Камчаткак. Ынкэкъйит иви В. Солодов в’аняванма, титэ нэнв’эӈэтын лыӄлэӈкин фестиваль «Берингия-2021».

В’утин гивик, ячвыӈчанма чененкечг’энаӈ йитыӈ историякэн то культуракэн энангыеватгиӈын. Ыннею танвэтгыӈо келлаӈ- йингыйивэтык ёнатылг’ыйикыӈ крайик вэтгиӈо то ёнатгиӈо айгытӄываятэн Камчаткакенав’.

«Мочгынан яӈъя мыткогэтаӈвоӈнав’ культуракенав’ этгиӈо. В’утин вэтатвытгыйик тытвынав’ чаткаёӈгиӈо, миӈкые в’иннетык йиплэпавык айгытӄываятэн метгиӈо чененкечг’энан ымыӈ ею тэйкык, эналлачг’ыӈ культурак РФ О. Любимовынаӈ. Ынан эӈиньму лыӈнин в’аняво то эвыӈ , яӈволаӈ в’иннетык йиплэпавык то йингычголавык айгытӄываятэн таменӈыгиӈо, метгиӈо ымыӈ ею тэйкык чененкечг’энаӈ. То ымыӈ в’иннетык ӈыволг’о чененкечг’энаӈ тэйкык художественный митг’алӄылу, таменӈыгиӈо. Ычгинэв’ вэтгиӈо лиги наколӈыӈвоӈнав’ ымыӈ ыяваӈӄал Камчаткаӈӄо»,- эвыӈ В. Солодов.

Инэллэчг’ын крайик эвыӈ, в’утин гивик ячвыӈчатгиӈын г’ытг’ылг’ин ягалаӈ омакаӈ тойчыг’ычг’энаӈ , спортивный ячвыӈчатгиӈо то айгытӄываяткэчг’энаӈ. То витку ыннею ячвыӈо келлаӈ фестивалик, тит ымоӈ микнэк нэнг’ийгулэтын историян то этгиӈын чененкечг’энаӈ крайик, то ынняӄ ямкичилг’а лиги нанг’ыӈвонав’ лыӈык пыттоӈо Камчаткакенав’.

Эчгыпо йинчоччымав’нэн С. Тынанто.
Дни рождения в этом месяце
Парламентская ассоциация «Дальний Восток и Забайкалье»