Эчгыпо Камчаткакенав’ чав’чываеличг’энаӈ 27.01.2021 г.

Эчгыпо Камчаткакенав’ чав’чываеличг’энаӈ 27.01.2021 г.

27.01.2021 09:04:18 (GMT+12)

Эчгыпо Камчаткакенав’ чав’чываеличг’энаӈ 27.01.2021 г.
2021 гэвэгиӈык амъел явэтатэкэ федеральный тайкыёлӄыл «Цифровой этгиӈэпыӈ энангыёлав’гиӈэпыӈ» национальный тэнмэпыӈ «Энангыёлав’гиӈын».

Яноткэнав’ чаткаёӈгиӈо келлаӈ, тит ныг’итикынэв’ ынаныӈ валг’о то нымэлӄинэв’ яйгочав’ӈыгиӈо кымиӈин гамга в’уйвык.

В’утин гивик нэентуйтывэнӈынэв’ яйгочав’ӈывано 43 калэяк то ыннэн профессиональный яйгочав’ӈыиччетык, меӈию келлаӈ Вилючинскак, Елизовский, Мильковский, Устьев- Брльшерецкий, Устьево- Камчатский, Быстринский,Карагинский, Олюторский, Тигильский, Пенжинский муниципальный районык, Паланык (Паланкэн колледж) то Алеутский муниципальный округык.

Тит ымыӈ ею йинтуйтивэтык яйгочав’ӈыванык регионыӈ эллай федеральный пылв’ынтыв’эннятгиӈо мыкыӈ 80 миллионав’ пылв’ынто. Яйгочав’ӈыиччетык йиг’ояв’лаӈ нытуйӄинэв’ явэнаӈо.

*

Вано миӈки нэетэйкикынэв’ прививкав’ нэенв’эӈэнӈынэв’ Паланык то Усть- Большерецкак. В’уткые нэеенӈынэв’ вакцинав’ тит атг’ылӈывока аӄачыг’ычгиӈа то наяӈвоӈнав’ юнэтылг’у прививкатык. В’уткекъйит в’анявалай краевой эччатыӈӄо энанмалав’гиӈэпыӈ.

«200 дозав’ нэннийнэв’ Устьево- Большерецкий районэтыӈ то опта нэеллэӈнэв’ вакцинав’ Корякский округкэн малавъяйтыӈ. Малав’ъят Усть- Большерецкак то Паланык чоччымав’в’ыг’э тэйкык вакцинациян ёнатылг’ыйикыӈ»,- эвыӈ инингив’ инэллэчг’ин энанмалав’гиӈэпыӈ крайик Е. Кучеренко.

Эчгыпо йинчоччымав’нэн С. Тынанто.
Дни рождения в этом месяце
Парламентская ассоциация «Дальний Восток и Забайкалье»