Эчгыпо Камчаткакенав’ чав’чываеличг’энан 25.11.2020 г.

Эчгыпо Камчаткакенав’ чав’чываеличг’энан 25.11.2020 г.

25.11.2020 00:34:52 (GMT+12)

Эчгыпо Камчаткакенав’ чав’чываеличг’энан 25.11.2020 г.
Пылв’ынтогиӈо Камчатский краен 2021 то 2023 гэвэгиӈэтыӈ нэкминэв’ омакальг’анма тыӈивылг’э ваятэн Законодательный умекетык Камчаткакен. Мыкыӈ пылв’ынто еллайкэ тит ныг’итикынэв’ социальный в’эннятгиӈо. В’отэныӈӄо в’аняватэ инингив’ инэллэчг’ин краевой иччетын тыӈивылг’ин ваятэн А. Копылов.

Ынно эвыӈ, ӄэй келлаӈ эччыгиӈо аӄачыг’ычгиӈыкъет, эв’ынчам бюджет йитики нымэлӄин. Ымыӈ пылв’ынтогиӈо еллайкэ мыкыӈ  78 миллиардав’.

«В’уччею пылв’ынто еппы иткэ янг’ав’ валг’о. Мыев’ тэӄын 2020 гэвэгиӈык ямкалайкэ чининкинэв’ пылв’ынто то этг’у ятвалайкэ в’эннятгиӈо федеральный бюджетыӈӄо, меӈию еппы эннийкэ регионэтыӈ»,- эвыӈ А. Копылов.

53,2% бюджетэн меӈию келлан 41576,4 миллионав’ пылв’ынто еллайкэ йиплэпавык социально-культуракэнав’ этгиӈо.

Пылв’ынто меӈию накончоччымав’ӈынав’ явак келлаӈ 6 млрд 325 млн. Наяӈвоӈнав’ тэйкык малав’ъяпелляӄо (ФАПо) В’эемлэк Тигильский районык (52,2 млн), Яёлкагиӈык Пенжинский районык (50,8 млн), Эчг’эйик Олюторский районык (31,7 млн пылв’ынто).

***

Нэкминэв’ опта инэгэю бюджетыӈ Камчатский крайик 2020 гэвэгиӈэтыӈ.

А. Копылов эвыӈ: «2020 гэвэгиӈын итти ниччыӄин пылв’ынтэпыӈ аӄачыг’ычгиӈыкъет, в’отэныӈӄо опта г’ояв’лай эняччыгиӈо ёнатгиӈэпыӈ. Инг’э наӈвонав’ явак пылв’ынто краевой бюджетыӈӄо, тит йиныплэпавык малав’ъяв’ , куйик ийкыӈ нытуйӄинэв’ явэнаӈо йинмэлэвэвык акачыг’ычгиӈылг’о COVID-19. Опта нымэйиӈӄинэв’ аӄайпыгиӈо г’ояв’лай бизнесык. Тит в’иннетык камчаткакенав’ чининвэтатылг’о ийкыӈ эллай пылв’ынтыв’эннятгиӈо краевой то федеральный бюджетыӈӄо. В’отэныӈӄо мытэкминэв’ инэгэю краевой бюджетыӈ».

***

Тыӈивылг’э ваятэн опта нэкминэв’ юнэнмит итылг’у пылв’ынто пенсионерыйикыӈ, тит ныг’итикынэв инэгэю пылв’ынто пенсияӈ 2021 г., нэкминэв ‘ нытуйӄинэв’ йинмийкутватгиӈо налогепыӈ чининвэтатылг’ыйикыӈ предпринимателё Камчаткак.

Эчгыпо йинчоччымав’нэн С. Тынанто.

Эчгыпо Камчаткакенав' чав'чываеличг'энаӈ 24.11.2020 г.: https://fareastvip.ru/newswire/detail.php?ID=250658
Губернаторы ДФО в 2020 году

22.01.2021 14:37:05 (GMT+12)

Губернаторы ДФО в 2020 году