Эчгыпо Камчаткакенав’ чав’чываеличг’энан 24.11.2020 г.

Эчгыпо Камчаткакенав’ чав’чываеличг’энан 24.11.2020 г.

24.11.2020 03:20:30 (GMT+12)

Эчгыпо Камчаткакенав’ чав’чываеличг’энан 24.11.2020 г.
Инэллэчг’у социальный мальёнатгиӈэпыӈ то яйичг’ыэтгиӈэпыӈ ганпылин А. Фёдорова.

А. Фёдорова гайтолэн 31.10. 1980 г. Кольпачык Пенжинский районык. Ынан пылиткунин индустриальный майӈыяйгочав’гиӈын г. Москва , то еӄӄе этг’у ейгучев’ӈи Московский государственный социальный университетык. То 2005 гэвэгиӈык экминин метгиӈо вэтатык «юриспруденция».

А. Фёдорова вэтатэ инэллэчг’у КГКУ «Гынун вэлатгиӈпыӈ». То опта итти инингиву инэллэчг’ын социальный этгиӈпыӈ то вэтгиӈэпыӈ крайик. Титэ нантоӈвавын нытуйӄин министерстван, ныг’эли инингиву инэллэчг’ин социальный мальёнатгиӈэпыӈ то яйичг’ыэтгиӈэпыӈ.

«Яноткенав’ тайкыёв’ тойминистерствэн еллайке тит нымэлг’эв’ ымыӈ ею ныг’итикынэв’ то йиплэпавык яйичг’ыкенав’ этгиӈо. Ыннин китыӈ министерстван мыяйгиӈэн, меӈинэтэ етэйкикынин ымыӈ ею, тит ныплэпг’ав’ юнэтык. Мочгынан лиги мытколӈылаӈын, эчги пыӈлов’ демографиякенав’ то социальный энаплэпав’гиӈэпыӈ келлаӈ гамгаминистерствак, эчги ыннэникэ мычченумэкэв’ӈынэв’, то мыччаӈволаӈ гыматык вэтатык»,-эвыӈ В. Солодов.

21 льгичейпыйиг’илгык В. Солодовынак тывынэн этгиӈо, мыев’ ӄотэнычг’энаӈ яӈвоӈ итык Инэллэиччет крайик. Министерстван социальный этгиӈэпыӈ то вэтгиӈэпыӈ ныг’эли тойчыг’ычг’энаӈ - нэтэйкынэт ӈыччеӄ иччети. Министерстван вэтгиӈэпыӈ то кадровый этгиӈэпыӈ, в’утку инэллэчг’у китыӈ Н. Ниценко . То иччет социальный мальёнатгиӈэпыӈ то яйичг’ыэтгиӈэпыӈ ӈывонэн инэллэк А. Фёдоровынак.

***

Тыӈивылг’э ваятэн Мильковский районыӈӄо нэйичин инэллэчг’у районык Н. Сепко.

Мыкыӈ 28 гэвэгиӈо вэтатэ иччетык УВД Россиякен Камчатский крайик. Льгичейпыйиг’илгык 2020 г. нанпыгаг’ын инингиву инэллэчг’ын Мильковский районык. Ынин котвалаӈ ӈывыӄ ойпакмето малвэтгиӈыкъет.

«Тыкопоздравлянӈын Николай Владимирович Сепко, мыев’ ынно нэйичин инэллэчг’у Мильковский районык тыӈивылг’э ваятэн. Тыкивыӈ ынно ятгыматэкэ вэтатык тит йиплэпавык ёнатгиӈо Мильковский районык. Ымыӈ ею ынкыӈ нымэлӄинэв’, гыматвэтгиӈо. Ыннин вэтгиӈын китыӈ тыттель ниччыӄин. То эв’ынчам ымыӈ ею тэйкык, тит метг’аӈ нэюнэтикынэв’ ынин юнэттумгу»,- эвыӈ В. Солодов.

Эчгыпо йинчоччымав’нэн С. Тынанто.

Эчгыпо Камчаткакенав' чав'чываеличг'энаӈ 23.11.2020 г.: https://fareastvip.ru/newswire/detail.php?ID=250656
Губернаторы ДФО в 2020 году

22.01.2021 14:37:05 (GMT+12)

Губернаторы ДФО в 2020 году