Эчгыпо Камчаткакенав’ чав’чываеличг’энан 19.11.2020 г.

Эчгыпо Камчаткакенав’ чав’чываеличг’энан 19.11.2020 г.

19.11.2020 00:01:52 (GMT+12)

Эчгыпо Камчаткакенав’ чав’чываеличг’энан 19.11.2020 г.
Селекторный омакальг’анма инэллэчг’э крайик омакаӈ инэллэчг’ык муниципальный иччетык натанвэтгыӈнав’ пыӈлов’ аӄачыг’ычгиӈыкъет ыявак валг’ык районык Камчаткак.

Инингив’ инэллэчг’ин Инэллэиччетык крайик Р. Василевский эвыӈ, ниччиӄинэв’ этгиӈо аӄачыг’ычгиӈыкъет еппы келлаӈ Паланык. Ӈанко еппы комкалаӈ тыг’ыллыг’у аӄачыг’ычгиӈа. Омаканма краевой министерстваӈ энанмалав’гиӈэпыӈ нэйилын тайкыён, тит инг’э нэнг’ыннийнэв’ инэльпинӈу малав’ъяйтыӈ, аптекайтыӈ то
ымыӈ тыг’ыллыг’ыйикыӈ аӄачыг’ычгиӈа лекарствав’, меӈию эвилкэ ныг’итикынэв’. Инэллэиччет энанмалав’гиӈэпыӈ яӈвоӈ вэтатык, тит гамга  ыявак валг’ык районык кытвыль ныг’итикынэв’ ымоӈ лекарствав’.

Амъел в’аняванма натанвэтгыӈын пыӈыл тит йинв’эӈэтык малав’ъян Елизовык. Р. Василевский эвыӈ, ымыӈ ею ӈанко накончоччымав’ӈынав’ тит ныг’ыӈвон вэтатык. Нэкунчичг’энӈывэв’ омыльг’атгиӈо в’утин ванык. Могогоспиталик нэеплиткуйкынэв’ йинмэлэвык аӄачыг’ычгиӈылг’о, эчги ынно китыӈ 30 км.

«Инэллэчг’э Камчаткак йилнин тайкыёлӄыл, тит ыннин малав’ъян эмет ныг’ыӈвон вэтатык плиткома в’уччею вэтатг’ылв’ыёв’. То ымыӈ ею нымэлг’эв’ йинчоччымавык, ымыӈ элэк йиччык эняччыгиӈо меӈию эллай  алак»,- эвыӈ Р. Василевский.

Опта нэгитэн этг’у ыннэн пыӈыл, тит тыг’ыллыг’ыйикыӈ аӄачыг’ычгиӈа малавылг’ыйикыӈ яяк ымоӈ лекарствав’ ныг’итикынэв’. В. Солодовынак йинтыванэн тайкыён, тит ыннею вэтгиӈо тыттэль инг’э нэнг’ытэйкынэв’.

Омаканма танвэтгыӈлай энанчечг’атгиӈыкъет, миӈкые накотэлэӈвоӈнав’ юнэтылг’э энанг’отав’гиӈо, тит атг’ылӈывока аӄачыг’ычгиӈа. Мекив’ аваломка еллайкэ, ыччу ныкыттыг’ав’ наянв’аняватэкынав’, някытг’айӈайкынав’.

Эчгыпо йинчоччымав’нэн С. Тынанто.

Эчгыпо Камчаткакенав' чав'чываеличг'энаӈ 18.11.2020 г.: https://fareastvip.ru/newswire/detail.php?ID=250653
Губернаторы ДФО в 2020 году

22.01.2021 14:37:05 (GMT+12)

Губернаторы ДФО в 2020 году