Эчгыпо Камчаткакенав’ чав’чываеличг’энаӈ 16.11.2020 г.

Эчгыпо Камчаткакенав’ чав’чываеличг’энаӈ 16.11.2020 г.

16.11.2020 01:05:22 (GMT+12)

Эчгыпо Камчаткакенав’ чав’чываеличг’энаӈ 16.11.2020 г.
Инэллэчг’э энанмалав’гиӈэпыӈ крайик ганчоччымав’лэн тайкыёлӄыл тит нанг’ынтоӈвавын вэтгиӈын кол-центракен инэнмэлэв’ъиччетылв’ынык, меӈиныйик накойилӈывоӈнав’ медико-санитарный в’эннятгиӈо. В’утку накотвыӈнав’ поликлиникав’, мыев’ ӈанко нэкутэйкыӈнов’ гынуну. В’уткекинэтэ инэнмэлэвылг’э наязвонитэкынав’ мэлэвылг’у тыг’ыллыг’у яяк, то ӈаеё меӈиныйик нэтэйкынэв’ тестав’ аӄачыг’ычгиӈыкъет COVID-19.

«Ымыӈ эначгыпав’гиӈо г’оямтэв’элг’ыйикыӈ, меткэ котг’ылаӈ аӄачыг’ычгиӈа, меткэ уйнэ , нэтэйкынэв’ тит йинмийкутвэтык лиги лыӈгиӈо, миӈкые галалай йичечг’атгиӈо, то йинтэг’итвэтык г’ылв’ыё уг’этык акметгиӈо йичечг’атгиӈэн. Янот накоанӈывоӈнав’ миӈкые валг’о анализав’ 5 меткэ 6 г’ылв’ыёв’, то эчги ятан ӈыёӄ г’ылв’ыё наяявайкынав’- ӈыччеӄ инэнчичг’этык, то ыннэн - эначгыпавык. Вэтатылг’а кол-центрак наятвэкынав’ ёнатылг’ыйикыӈ миӈкые валг’о энанчечг’атгиӈо эллай»,- эвыӈ инингив’ инэллэчг’ин краевой энанмалав’гиӈэпыӈ М. Волкова.

Опта накозвонинӈывоӈнав’ ӈыволг’о тыг’ылык аӄачыг’ычгиӈа, меӈию комалав’ӈыволаӈ яяк.

Вэтатылг’а кол-центрак ымоӈ ею тыг’ылгиӈыкъет наякалийкынав’ яӈъя. Ымыӈ миӈкые валг’ын температура, миӈкые котав’ъеӈлаӈ, наяпӈылойкынав’ лиӈлиӈыкъйит то ӄуччев’. Ыннею калечетгиӈо нэейиликынэв’ энанмалавылг’ыйикыӈ, меӈиныйик нэеллэйкынэв’ лекаратгиӈо.

***

Петропавловскак- Камчаткакен нэнв’эӈэтын этг’у яӈъя валг’ын малав’ъян, миӈки наколекаранӈынав’ тыг’ыллыг’у COVID-19.

В’учин инэнмэлэв’ ваны ковэтатыӈ терапевтический краевой малав’ъяк . Эмэлкэ в’утку ямалав’лайкэ 100 г’уемтэв’илг’у.

Янот Петропавловскак-Камчаткакен ковэталаӈ 5 малав’ъявано, ыччу нэнв’эӈэнэв’ 1 то 2 городкэн малав’ъяк, гынунык СПИД,, гылгылтыг’ыллыг’ин малав’ъяк то кымиӈычгин инфекционный малав’ъяк.

Эчгыпо йинчоччымав’нэн С. Тынанто.
Губернаторы ДФО в 2020 году

22.01.2021 14:37:05 (GMT+12)

Губернаторы ДФО в 2020 году

Дни рождения в этом месяце
Парламентская ассоциация «Дальний Восток и Забайкалье»