Эчгыпо Камчаткакенав' чав'чываеличг'энаӈ 30.10.2020 г.

Эчгыпо Камчаткакенав' чав'чываеличг'энаӈ 30.10.2020 г.

30.10.2020 08:10:08 (GMT+12)

Эчгыпо Камчаткакенав' чав'чываеличг'энаӈ 30.10.2020 г.
Галай йиг’илгын титэ Паланкэн калэяк нэнв’эӈэтын Гынун «Точкан йингычголав’гиӈэпыӈ»

Ыннин  Гынун ӈывой вэтатык 29 льгичейпыйиг’илгык. В’утин г’ыло нэнв’эӈэнэв’ ынниг’ан валг’о вано мыкыӈ 3 тысячак калэяк Россияк. В’аняванма инэллэчг’ын калэяк эвыӈ, «Точката йингычголав’гиӈэпын» кув’иннеӈынин калэйтылг’о экмитык ныгычголӄэнав’ яйгочав’ӈыгиӈо тойчыг’ычг’энаӈ, тойчыг’ычг’энаӈ четкеюӈкы, кыг’ояв’лаӈ нытуйӄинэв’ технологический то гуманитарный метгиӈо.

«Мыткоег’аллаӈ, мыев’ мыйик калэяк котваӈ ыннин Гынун. Яеёг’ыӈма тайкыён «Нытуйӄин калэян» национальный тэнмэпыӈ «Энангыёлав’гиӈо» нав’энняламык пылв’ынта, меӈинэтэ мытийкуйнэв’ тойявэнаӈо. Проектор 3D, квадрокоптёро, ноутбукав’ то ӄуччев’»,- панэнатвэ инэллэчг’ын Паланкэн калэяк Татьяна Черкасова.

В’утин калэяк ынантойчыг’ычг’энаӈ келлаӈ технический этгиӈо ейгучев’ӈык предметыӈӄо- ОБЖ, Информатика, Технология. Котвалаӈ вано, миӈки накойилӈывоӈнав’ инэгэю итылг’у метгиӈо имы яӄэпыӈ, титэ уйӈэ акалэйтыка кенӈыволаӈ кымиӈу.

«Точкан йингычголав’гиӈэпыӈ» китыӈ нытуйӄин в’эннятгиӈын энангыёлав’гиӈэпыӈ. Ванэтыӈ информатикакен нэйкуйнэв’ ноутбукав’. Плиткома яйгочав’ӈыгиӈо, кымиӈу наконметытванӈывоӈнав’ программированияӈӄо. Мыев’ ыявак мэльуйӈэ лиги элӈыке цифровой этгиӈо. Ынниг’ан валг’ын кабинет ев’иннетики лиги лыӈык нытуйӄинэв яйгочав’ӈыгиӈо цифровой этгиӈпыӈ»,- эвыӈ инингив’ инэллэчг’ин калэяк К. Чебунин.

Кымиӈыйик наӈвонав’ ейгулэтык инженерный то технический пыӈлов,мыев’ г’уеви 3D.

Камчаткак в’утин гивик г’ояв’лай 10 Гынуну «Точкан йингычголав’гиӈэпын». Ыччу нэнв’эӈэнэв’ Алеутский, Карагинский, Олюторский, Пенжинский,Соболевский, Тигильский районык, Елизовский, Вилючинскак то Паланык.

Эчгыпо йинчоччымав’нэн С.Тынанто.

Эчгыпо Камчаткакенав' чав'чываеличг'энаӈ 29.10.2020 г.: https://fareastvip.ru/newswire/detail.php?ID=250608