Эчгыпо Камчаткакенав' чав'чываеличг'энаӈ 29.10.2020 г.

Эчгыпо Камчаткакенав' чав'чываеличг'энаӈ 29.10.2020 г.

29.10.2020 08:30:27 (GMT+12)

Эчгыпо Камчаткакенав' чав'чываеличг'энаӈ 29.10.2020 г.
Тывылг’о в’аняво Камчатский крайиӈко, миӈкые валг’о ынныӈийтыгиӈо ныг’итикынэв’, мэлу нэлӈынэв’ омакальг’анма Дальневосточный научно- промысловый иччетэ. Ымыӈ айгытӄылг’а нанг’ыкалийкынав’ тэг’и нэкминэв’ ынну. Тэйкыялӄэвынык Камчаткак йинг’отавык йинтыватык гиӈынгиӈу.

«Янотыӈ умекетык нэгитэнэв’ пыӈлов’ тит ныг’итикынэв’ инэгэю ынныӈийтыгиӈэпыӈ, тит яйтаӈык мимлычыкукинэв’ пыттоӈо. Мочгынан мытытвынав’ в’аняво йингычголавык лиги лыӈгиӈо тэг’и нэкэкминӈынэв’ ынну айгытӄылг’а. В’утку наеёламык Росрыболовствак. Опта мыттанвэтгыӈлан пыӈыл тит аявака ынныӈийтыма нымэйиӈӄинэв’ гиӈынгиӈу. Эчги нэкунитэӈын ыннин энанг’отав’гиӈын правилак ынныӈийтык»,- эвыӈ инэллэчг’ын ынныӈийтыгиӈэпыӈ А. Здетоветский.

В’утин умекетык мэлу нэлӈын в’аняво’, тит ыннэн явэнаӈа ныг’ынныӈийтыкынэв’ лама эв’эч 20.05-15.07.

Опта Советык мэлу нэлӈын тывылг’ын в’аняв’, тит айгытӄылг’а нанг’ыкалийкынав’ тэг’и ынну накакмэнӈывоӈнав’. Эмен эчги уйӈэ ыннею отчёто этэйкыкэ.

*

14 квадрокоптёро яллай эччатыӈ «Яйтаӈык Камчаткакенав’ умкылв’ыно». Ыччу нэйкуйнэв’ тайкыёлӄылэпыӈ «Экологиян».

Квадрокоптеро нэйкуйнэв’ тит инг’э лыг’ук кангатгиӈо то лиги лыӈык тэг’и то миӈки ӈылатгиӈо.

Дрена кулэг’уӈнин то кояйтаӈнэн координато GPS то ГЛОНАСС то ымыӈ котвалаӈ паролё тит ӄутиныйик лиги элӈыкэ.

Ыннею квадрокоптёрав’ нэеллэӈнэв’ гамга эччатыӈ «Яйтаӈык Камчаткакенав’ умкылв’ыно». То эчги вэтатылг’о в’утин иччетык комэтытвэлаӈ вэтатык тойтехникак.

Эчгыпо йинчоччымав’нэн С. Тынанто.

Эчгыпо Камчаткакенав' чав'чываеличг'энаӈ 28.10.2020 г.: https://fareastvip.ru/newswire/detail.php?ID=250607