Эчгыпо Камчаткакенав' чав'чываеличг'энаӈ 28.10.2020 г.

Эчгыпо Камчаткакенав' чав'чываеличг'энаӈ 28.10.2020 г.

28.10.2020 09:00:51 (GMT+12)

Эчгыпо Камчаткакенав' чав'чываеличг'энаӈ 28.10.2020 г.
Пылиткома вэтатг’ылв’ыёв’ инэллэиччетэ Камчаткакен нэеткын’ын омакальг’атгин’ын округкен гынунык Паланык то Тигильский районык. Лайвыма нэегитэн’нэв’ яноткенав’ пын’лов’- таян’гин’о, социальный этгин’о, то явагин’о энергоресурсакенав’.

Ыявак айгытк’ын’к’ал котвалан’ эняччыгин’о мен’ию эмэлкэ танвэтгын’кы н’анко. В’уткекъйит, инэллэ крайик нэкмитын тайкыён тойчыг’ычг’энан н’ывок вэтатык. Ян’волан’ лэйвык айгытк’ын’к’алын’к’о инэллэчг’у гамгавэтгин’эпын’.

Яноткенав’ пын’лов’ еллан’ - таян’гин’о, опта йинтон’вавык социальный вано то к’уччев’.

То этг’у наятанвэтгын’ын тит Паланык то к’утин в’уйвык нэг’уевнэв’ мыкэтгин’ылг’о социальный гынуну. В. Солодов эвын’, ынниг’ан валг’ын тайкыён йилнин инингивэ Инэллэиччетык РФ М. Хуснуллинынак.

«Тайкыёв’ М. Хунсуллинын котвалан’, ятан еппы плиеёлка, мин’кые ыннэнике тэйкык социальный ваны тит чалёмкын’ ныг’ытвайкынав’ вано энангыёлав’гин’эпын’, культуракенав’ то выг’аёк энанмалав’гин’эпын’. Пыче инею этгин’о уйн’э лиги элн’ыке»,-эвын’ инэллэчг’ын крайик.

Агытк’ын’к’ал китын’ ак’айпыгин’ын, мин’кые йинив’тылэтвэтык вэлатгин’о энерогоресурсакъет. Палангэн’кы ковэтатын’ ыннэн вэтатъиччет, мен’инынэк койтон’нэн нучельк’ыкинев’ вылк’у. То ынняк’ эв’ынчам энаев’латгин’о ныг’умвилк’инэв’.

Инэллэчг’э крайик опта яёг’ын’нэн В’эемлэн. Н’анко ятанвэтгын’нэн н’анкакенав’ ак’айпыгин’ын’о.

Инэллэчг’ын крайик, эвын’ лайвыма нэетэйкын’ын омакальг’атгин’ын’, мин’ки нэегитэн’нэв’ чоччымав’гин’о яйнак 90-гэвэгин’о титэ гантон’вав’лэн Корякский округ.

Эчгыпо йинчоччымав’нэн С. Тынанто.

Эчгыпо Камчаткакенав' чав'чываеличг'энаӈ 27.10.2020 г.: https://fareastvip.ru/newswire/detail.php?ID=250604