Эчгыпо Камчаткакенав' чав'чываеличг'энаӈ 22.09.2020 г.

Эчгыпо Камчаткакенав' чав'чываеличг'энаӈ 22.09.2020 г.

22.09.2020 09:21:43 (GMT+12)

Эчгыпо Камчаткакенав' чав'чываеличг'энаӈ 22.09.2020 г.
Владимир Солодов, меӈин нэйичин аймано Камчатский крайик, ӈывой вэтатык инэллэчг'у крайик.

Ынан йилнин присяган нытгымг'ав' вэтатык ёнатылг'ыйикыӈ то янг'ав' тилик этгиӈо Уставык Камчатский крайик. В'утку вачче в'иннетычг'ын Президентан РФ ДФО Юрий Трутнев.

Владимирынак Солодовынак ымоӈ юнэтылг'ыйикыӈ ив'нин ӄайлём, мыев' ынкыӈ нэйилын чымачгиӈын. "Камчаткак тыттель нытгымг'ав' мынг'ывэталлайке, тит итык янотычг'о. Янотык ымыӈ тит ныг'итикынэв' нытуйӄинэв' технологияв', йиплэпавык экономикан, социальный вагиӈо, обществегный ёнатгиӈо. Тучгинэв' чымачгиӈо еллайкэ в'иннетычг'у омакаӈ йиплэпавык Камчаткан, то яёг'ыӈкы тайкыёлӄыло йинтыватылг'о Президентата РФ Владимирынак Путинынак".- эвыӈ ынно.
Ынняӄ Ю. Трутнев эвыӈ айманаӈ Камчаткакен, ев'иннетики ынангычголвалг'ыӈӄо этгиӈэпыӈ.

***

В. Солодовынак гымлэ йинпынин Борис Невзоров Советыӈ Федерацияйтыӈ инэллээччатыӈӄо крайик. Эмет калинин тайкыён.

Б. Невзоров эналлаэччатыӈӄо крайик нанӈивын Советыӈ Федерацияк 2011г.  Янот 2007- 2011 г., ынно итти инэллэчг'у краевой законодательный умекетык.

Эчгыпо йинчоччымав'нэн С. Тынанто.Эчгыпо Камчаткакенав' чав'чываеличг'энаӈ 21.09.2020 г.: https://fareastvip.ru/newswire/detail.php?ID=250520