Эчгыпо Камчаткакенав' чав'чываеличг'энаӈ 15.07.2020 г.

Эчгыпо Камчаткакенав' чав'чываеличг'энаӈ 15.07.2020 г.

15.07.2020 09:30:55 (GMT+12)

Эчгыпо Камчаткакенав' чав'чываеличг'энаӈ 15.07.2020 г.
Пыче итылг'э инэллэчг'э Камчаткак В.Солодовынак йинтыванэн ёг'ыён тэйкык нымэйӈӄин ангыт, мыев' конг'алаӈ 280 гэвэгиӈо Петропавловскаӈ - Камчаткакен. Ынан ӈывонэн инэллэк вэтатъиччет. Яноткен омакальг'атгиӈын эмет йитыӈ чеймык валг'ын г'ылв'ыйик. Майӈыэтог'ылв'ий гынуну итылг'ын Камчаткакен наянъангытытков'ӈын ӈыччеӄ вэтатвыгыйит.

В. Солодовынак йилнин тайкыёлӄыл эналлаэччатыӈ энанмалав'гиӈэпыӈ крайик, тит ычгынан  инг'э нанг'ынчоччымавын тэнмытэн миӈкые йиплэпавык аптекакенав' ӄылатгиӈо Камчаткак. Ынно эвыӈ , лайвыма гамга районынӄо то йитг'атвылӈанма омакаӈ юнэтылг'ык ӄонпыӈ накотвыӈын ыннин нымэйиӈӄин эняччыгиӈын. Ӄутин нымъёлгык эмет уйӈэ атвака аптекакенав' вано.

Нытуйӄин ныйиг'этӄин этгиӈын кыг'уевыӈ Камчаткак. Наяӈвоӈнав' йинӄэвивык ӄавэёчго кымеӈатылг'ыйикыӈ эльг'аӈ. В. Солодов  эвыӈ, мелинг'э йинтоӈвавык ыннин нытуйӄин в'энятгиӈын то лыг'ук пылв'ынто краевой бюджетык, тэйкык ымыӈ ею нормативно- правовой этгиӈэпыӈ.

Эчгыпо йинчоччымав'нэн Светлана Тынанто.

Эчгыпо Камчаткакенав' чав'чываеличг'энаӈ 14.07.2020: https://fareastvip.ru/newswire/detail.php?ID=250109