Эчгыпо Камчаткакенав' чав'чываеличг'энаӈ 29.05.2020 г.

Эчгыпо Камчаткакенав' чав'чываеличг'энаӈ 29.05.2020 г.

29.05.2020 16:24:05 (GMT+12)

Эчгыпо Камчаткакенав' чав'чываеличг'энаӈ 29.05.2020 г.
Пыче итылг'ын инэллэчг'у Камчаткак В. Солодов эвыӈ, эмен ӄутин вэтататг'ылв'ыёлв'ынык , наяӈвоӈнав' йилык каликалу цифровой итылг'у. Ыччу еллайкэ ӈанэныйикыӈ меӈию коянӈыволаӈ ӄотэннотаӈӄо РФ, то уйӈэ эюнэткэ келлаӈ Камчаткак. В'утинэтэ ыччу ялайвылайкэ Камчаткаӈӄо.

Инэгэю итылг'у в'эннятгиӈо еллайкэ туристический эччатылв'ыныӈ. В'отэныӈӄо наянтоӈвав'ӈынав' социалиный лайвыгиӈо ёнатылг'ыйикыӈ Камчаткак. Янотыӈ япаӈав'ъейляӈ инэнмэлэвылг'у, меӈию ковэталаӈ элэк йиччык тыг'ыллыг'ин аӄачыг'ычгиӈын COVID – 19.

Яйнама Г'ылв'ий вийиӈык кымиӈу, вэтатылг'а артистано Камчаткакен театрак наяпанэнатвыӈнав' 8 лымӈылё айгытӄываятэн, юнэтылг'ин Камчаткак. В'утку наятвыӈын Кутха, ынин яйчг'ын, то ӄуччев' камчаткакенав' гийнику. Вэтатылг'о театрак ялимӈылитколаӈ ыйик каналык YouTube. Эмэлкэ гитэк ыннею лымӈылё 1 алайиг'илгык 13 чаччин:  https://www.youtube.com/channel/UCBKVYs-tYYdCpiUvmyaZPLA/

Эчгыпо йинчоччымав'нэн Светлана Тынанто.
Дни рождения в этом месяце
Парламентская ассоциация «Дальний Восток и Забайкалье»
Far East: Who is Who