Умэкэт, меӈин итти 15 гэвэгиӈэтыӈ титэ гантоӈвав’лэн Камчатский крайик, галай Паланык

Умэкэт, меӈин итти 15 гэвэгиӈэтыӈ титэ гантоӈвав’лэн Камчатский крайик, галай Паланык

05.07.2022 12:25:20 (GMT+12)

Умэкэт, меӈин итти 15 гэвэгиӈэтыӈ титэ гантоӈвав’лэн Камчатский крайик, галай Паланык
Ангытыкъет в’аняватэ инэллэчг’ын Инэллэиччетык крайик Евгений Чекин. Ынан тывынэн поздравленияв’ йиннийилг’у инэллэчг’э крайик В. Солодовынак, мыев’ итти г’ылв’ий титэ гантоӈвав’лэн нытуйӄин субъект РФ.

Евгенийинак Чекинынак поздравиннин юнэтылг’у округкэн гынунык то йилнин ойпакмето г’оямтав’элг’ыйикыӈ, меӈию гымаллай вэтгиӈа йиплепавык то йингычголавык ёнатгиӈо то этгиӈо Корякский округык.

«Ымоӈ мекив’ тыкопоздравинӈынав’ Г’этог’ылв’ыйикъет Камчатский край. ӈэвэӄ экмитык ыннею гэвэгиӈо, гымаллай округык йиплепавык социально-экономикакенав’ этгиӈо. ӈынвыӄ ею нэтэйкынэв’ крайик. Кыг’ояв’лаӈ нытуйӄинэв’ вано ейгучев’ӈылг’ин, малав’ъяв’, ямкылг’ин вано. Паланык нэтэйкын нытуйӄин 24 пыкъялг’ын яяӈа, наныплепавын вагалыны, нэйкуйнэв’ нытуйӄинэв’ вэтатъявэнаӈо окружной малав’ъяйтыӈ, накотаӈтэйкыӈнэв’ йиг’это, ягэӈкэнав’ вано, то имы ею ЖКХ. Инмы мыткоёналаӈ, еппы ею ӈынвыӄ мынг’ытэйкикынэв’.

Экмитылг’у тайкыёв’ ятан омакаӈ мыччаёг’ыӈнав’. Эчги тыкаӈъяӈнав’ ымоӈ юнэтылг’у Камчаткак то тыкив’ӈынэв’ ийкыӈ ӄайлём малвэтгиӈыкъет тит ныг’ув’татэкэ то ныг’ыплепавэкэ регион. Тыкивыӈ, тит ныг’итикынэв’ мычв’ынатгиӈо малъёнатгиӈыӈ, катгогиӈо еюнэнӈык, тит эӄлэткэ имы яӄэпыӈ то кытгэмгиӈо гамгаяйичг’ыӈ»,- эвыӈ Е. Чекин.

Ангытыткома галалай амалваӈ валг’о культурный этгиӈо. Мылав’лай то аӈаӈъялай лиги лыӈылг’у иччету округкэн гынунык.

В’уткекьйит панэнатвылай эначгыпавылг’о инэллэчг’ин то Инэллэиччетин Камчатский крайик.

Эняннимэв’нэн С. Тынанто