Паланык нэнв’эӈэтын нытуйӄин таӄлеваӈваны

Паланык нэнв’эӈэтын нытуйӄин таӄлеваӈваны

30.12.2021 07:30:45 (GMT+12)

Паланык нэнв’эӈэтын нытуйӄин таӄлеваӈваны
Гынунык Корякский округык яяв’очг’ыйиг’илгык ӈывой вэтатык нытуйӄин таӄлеваӈваны. Ӈанко нэкутэйкыӈнэв’ ынанмыллыӈэн имыяӄ ӄылевав’.

«Ӈывома 2016 гэвэгиӈын министерствата накойилӈывоӈнав’ пылв’ынтыв’эннятгиӈо муниципальный эччатылв’ыныӈ, тит ыччу нэв’иннетикынэв’ йиплэпавык таӄлеваӈгиӈо. В’утин субсидията Паланэтыӈ нэйкуйин нытуйӄин нымийкуӄин таӄлэваӈкэн явэнаӈ»,- эвыӈ инэллэчг’ын тапечгыӈгиӈэпыӈ крайик В. Черныш.

2021 гэвэгиӈык нэплиткунэв’ яноткенав’  вэтгиӈо тит ӈывок йинтыватык таӄлеваӈваны то юмэкэвык явэнаӈо таӄлеваӈваӈкэнав’ Паланык. Ӈанкалг’атык чинин вэтатылг’ын г’уемтэв’илг’ын в’аӈлай, тит омакаӈ в’уйвыкин инэллэиччетык ныг’ыӈвонав’ вэтатык тит эӄэткэ юнэтылг’у ӄылеваӈ.  То чинин вэтатылг’а тэйкынин договор тит наявайкынэн ваны, тит таӄлеваӈкы.

«В’эннянма тит йиплэпавык таӄлеваӈгиӈо накалинав’ этгиӈо, тит эӄлэткэ юнэтылг’у ӄылеваӈ, ымыӈ социальный иччету, то яйгочав’ӈывано, тит амъел эвилкэ нанг’ылпыӈъекынав’ г’уемтэв’илг’у, меӈию наков’эннянӈывоӈнав’ вэтатылг’а социальный гыноныӈӄо, мыев’ китыӈ в’уйвыкин социальный этгиӈын «Ваны в’иннеткин». То таӄлеваӈылг’а кытаван нанг’ынымкав’нав’ амалваӈ валг’о тайкыӄылевав’»,- иви В. Черныш.

В’утин тайкыёлӄыла таӄлэваӈваны нэйилын предпринимателинаӈ, меӈинынэк инг’э тэйкынин таӄлэваӈкэн ваны то ӈывой вэтатык.

Эчги ыннин ваны китыӈ яноткэнано йиплэпавык ёнатгиӈо округкэн гынунык.

Ыннэн г’ылв’ыйик нэкутэйкыӈнэв’ 550 ӄлевав’, илгыӄлевав’-350; чеӄин-114; луӄин-30 то ӄуччев’ амалваӈ валг’о.

Эчги амъел ковэталаӈ тит нэг’увын ваны, миӈки наяӈвоӈнав’ тэйкык алляв’пичгу.

В’уткекьйит панэнатвылай эначгыпавылг’о инэллэчг’ин то Инэллэиччетин Камчатский крайик.

Эняннимэв’нэн С. Тынанто
Итоги года «Забрабочего»

26.01.2022 19:12:55 (GMT+12)

Итоги года «Забрабочего»