9 льгичейпыйиг’илгык йитыӈ «Г’ояӈ валг’ын в’аняватгиӈын омакаӈ В. Солодовынак»

9 льгичейпыйиг’илгык йитыӈ «Г’ояӈ валг’ын в’аняватгиӈын омакаӈ В. Солодовынак»

25.08.2021 09:28:33 (GMT+12)

9 льгичейпыйиг’илгык йитыӈ «Г’ояӈ валг’ын в’аняватгиӈын омакаӈ В. Солодовынак»
Инэллэчг’ын Камчатский крайик В. Солодов яв’аняватыӈ ёнатылг’ыйикыӈ, миӈки ятвыӈнэн этгиӈо ыйик пыӈлоӈӄо.

Г’ояӈ валг’ын в’аняватгиӈын яӈвогаг’ыӈ 9 льгичейпыйиг’илгык телеканалык «41 регион» то «Камчатка-1». Ыннин г’ояӈ валг’ын в’аняватгиӈын эмэлкэ опта гитэк YouTub- каналык эначгыпав’ъиччетык «Камчатка».
Каличитванык Инэллэиччетин ымоӈ гайматылг’а эмэлкэ нанг’ытвынав’ чининкинэв’ пыӈлов’, меткэ в’аняво эналлачг’ыӈ регионык. Ынан мыкыӈ итылг’у пыӈлов’ нэейилӈынэв’ губернаторыӈ г’ояӈ валг’ыӈ в’аняватгиӈыӈ.
То юнэтылг’э опта нанг’ытвэкынав’ айӈавыткогиӈо телефонэпыӈ 8 800 141- 00-00 (ыннею в’аняватгиӈо келлаӈ эвилэткылг’инэв’), ымыӈ гакалеченӈывота WatsasApp телефонэпыӈ 8 914 990-20-21, то социальный каличитванык Facebook то Instagram.

Галама «Г’ояӈ валг’ын в’аняватгиӈын омакаӈ В. Солодовынак» явэтатэкэ гынун, меӈинэтэ екмитикынин пыӈлов’ энма эфир.

В’уткекьйит панэнатвылай эначгыпавылг’о инэллэчг’ин то Инэллэиччетин Камчатский крайик.

Эняннимэв’нэн С. Тынанто.