Нытуйӄин государственный ойпакметгиӈын г’уеви Камчатский крайик

Нытуйӄин государственный ойпакметгиӈын г’уеви Камчатский крайик

21.07.2021 08:30:04 (GMT+12)

Нытуйӄин государственный ойпакметгиӈын г’уеви Камчатский крайик
49 умэкэтык Законодательный Умэкэтык Камчатский крайик, меӈин галай 20 алайиг’илгык, тыӈивылг’э ваятэн нэкминэв’ инэгэю законэтыӈ «Ойпакметгиӈо Камчатский крайик».

«Сессияк мочгынан мэлу мытылӈылан в’аӈлагиӈо вэтатъиччетин, миӈки келлаӈ тыӈивылг’у ваятэн Законодательный Омакатыӈӄо, инавийиӈылг’ын айгытӄываятэн Камчатский крайик, то итылг’у Общественный палатык. Эчги-ван крайик ег’уевыӈ аӈг’алгыйив’ӄэв’ «Малвэтгиӈыкъет йиплэпавык Корякский округ».Ынно наянойпакмэтэвики гэмгэгивик ынан эӈг’элу лыӈылг’ыйикыӈ г’оямтав’элг’ыйикыӈ Корякский округык, меӈию ымъёнатгиӈын гымаллай в’иннетык йиплэпавык Корякский округ»,- эвыӈ А. Копылов.

Аӈг’алгыйив’ӄэвэ «Малвэтгиӈыкъет йиплэпавык Корякский округ» наянойпакмэтэвикынав’ г’уемтэв’илг’у, меӈию гымаллай вэтатык государственный таяӈгиӈык то эналлагиӈык инэллэиччетык, социальный, наукакэн, культуракэн то ӄутин вэтгиӈыкъет, меӈию в’эннялай социально- экономикакен йиплэпав’гиӈык Корякский округ,то йингычголавык ёнатгиӈо ваятэн Корякский округык, меӈию котгымалаӈ яйтаӈык чининкинэв’ этгиӈо айгытӄываятэн, юнэтылг’ин Корякский округык.

Ӈанэныйикыӈ мекив’ наянойпакменӈынав’ Эӈг’элгыйивӄэвэ опта еллайкэ 50 тысячав’ пылв’ынто. Ойпакметгиӈын нэейилики ангытыткома Г’ылв’ий Корякский округэн, меӈин кенӈывоӈ 10 яяв’очг’ыйиг’илгык.

В’уткекьйит панэнатвылай эначгыпавылг’о инэллэчг’ин то Инэллэиччетин Камчатский крайик.

Эняннимэв’нэн С. Тынанто.
Дни рождения в этом месяце
Парламентская ассоциация «Дальний Восток и Забайкалье»