Юнэтылг’у то ямкичилг’у Олюторский районык Корфаӈӄо Тэличчайтыӈ ялӄылайке то якымг’ылэлайкэ в’йикин чоччота

Юнэтылг’у то ямкичилг’у Олюторский районык Корфаӈӄо Тэличчайтыӈ ялӄылайке то якымг’ылэлайкэ в’йикин чоччота

29.04.2021 08:00:10 (GMT+12)

Юнэтылг’у то ямкичилг’у Олюторский районык Корфаӈӄо Тэличчайтыӈ ялӄылайке то якымг’ылэлайкэ в’йикин чоччота
Камчаткак натактыӈын г’эйгиӈын яӈвэн Скрытая меӈӄойиӈ колайвыӈволаӈ Тэличчаӈӄо Корфайтыӈ то кокымг’ылэӈволаӈ. Мыев’ кутылгыӈ иктыит, ӈыволай в’ийитг’ыматык г’ийик. Инэллэчг’э Олюторский районык нэтэйкын танвэтгыӈгиӈын омакаӈ иччетык «Камчаттрансфлот» тит йив’лык югэтылг’у яӈвэпыӈ.

«Мыткев’лаӈ, тит г’уемтэв’илг’у ныплэпг’ав’ нэлэйвикынэв’ то ав’ийитг’ыматка ныг’итикынэв’. Пыче элэк кунг’элыӈ иктыит, нэенг’иейв’ӈикынэв’ в’йикин чоччота. То еӄӄэ наяӈвоӈнав’ йив’лык г’уемтэв’илг’у то ычгинэв’ энаёчго г’ытвэ «Камчатка»,- эвыӈ инэллэчг’ын транспортакен то тайиг’этгиӈэпыӈ В. Каюмов.

Лайвыгиӈо в’йикин чоччотэн накокалэӈвоӈнав’ инэллэчг’э , лиги лыӈма в’аӈлагиӈо лэйвылг’ин. В’этатвытгыйик ӈыяӄмыллиӈчаӈ елэйвики, то паӈав’ъйийг’ылок- ӈыечеӈ. Ӈэвэӄ яв’аӈлалайкэ юнэтылг’у, наянымкав’ӈынав’ лайвыгиӈо в’йикин чоччотэн.

«В’йикинэв’ чоччото- инеткинэв’ лэйвинэӈу титэ котылгыӈвоӈ г’ылг’ыл то коӈволаӈ ӄитык в’эему. Инэллэчг’э крайик в’утин гивик этг’у нэейкуйӈын ынниг’ан валг’ын лэйвинэӈ»,- эвыӈ В. Каюмов.
Иччет МЧС Россиякэн крайик ӄонпыӈ кенакетог’атыӈ: гамгачг’ыло иктыит кулгыӈ, то гав’эйитг’анӈывота лэйвык выльгыэктыӈӄо.

Ыннэн валг’ын номер «112» миӈкые эмэлкэ ӄонпыӈ газвонита . Ӈэвэӄ ыявайтыӈ колӄынӈыволаӈтык гакменӈывота спутниковый телефон, в’отӄойиӈ эмэлкэ опта газвонита «+112».

В’уткекйит панэнатвылай эначгыпавылг’о инэллэчг’ин то Инэллэиччетин крайик.

Эначгыпавэ С. Тынанто.
Дни рождения в этом месяце
Парламентская ассоциация «Дальний Восток и Забайкалье»